കലിയടങ്ങാത്ത കടലിന്റെ
ചുഴലികളില്‍ ഒരു നീര്‍ക്കുമിള
നിറമേഴും ചാലിച്ചൊരുക്കിയ
സ്വപ്നത്തിന്‍ ബഹുവര്‍ണ്ണക്കൂടാരം
മണ്ഢൂകോദരം കണക്ക്
വളരുന്നാകാശത്തോളം
വീര്‍പ്പിച്ച വാഗ്ദാനങ്ങള്‍
പ്രതിഞ്ജകള്‍ ,പരിരംഭണങ്ങള്‍
ആവേശത്തിരമാലകള്‍ക്കിടയിലൂടൊരു
നേര്‍ത്ത കുന്തമുന !
നിയതിതന്‍ കാവ്യനീതി
മര്‍മ്മത്തിലേകും കാ‍ന്താരി നീറ്റല്‍
ചിതറിത്തെറിച്ച കിനാക്കള്‍
കലങ്ങിമറിഞ്ഞ കുത്തൊഴുക്കില്‍
ചേര്‍ന്നലിയുന്നീ മഞ്ഞ,പച്ച ,നീലത്തുണ്ടുകള്‍
അവസാനചക്രവാള സീമയില്‍
പടര്‍ത്തും ചുടുചോര തന്‍
തുടുത്ത ചോപ്പുനിറം !
